http://www.newsbook.com.mt/artikli/2012/10/28/imfakkar-il-poeta-anastasju-cuschieri.952#.UI5JasXA9Vt
Illum 24 ta’ Ottubru, fis-7.30pm id-Dipartiment tal-Malti u l-Ghaqda tal-Malti fi hdan l-Università bl-ghajnuna tal-Kummissjoni P. Anastasju Cuschieri fil-Provincja Karmelitana Maltija se jifthu Wirja dwar il-Prof. P. Anastasju Cuschieri. Il-wirja tiftah illum b’ Lejla ta’ Tifkira f’ gieh Cuschieri li fiha se jitkellmu dwar diversi aspetti tal-personalità ta’ Cuschieri, P. Charlò Camilleri, is-Sur Charles Coleiro u s-Sra Josette Attard. Il-Wirja ggib l-isem ta’ Anastasju u fiha se jkun hemm ghall-wiri oggetti marbutin ma’ l-hajja u l-hidma ta’ Cuschieri, fosthom xi manuskritti. Il-Wirja tkun miftuha kuljum minbarra l-Hadd sal-1ta’ Novembru 2012.
Post: Librerija tal-Università ta’ Malta
Hinijiet: Mit-Tnejn sal-Gimgha mid-9.00am sat-8.00pm; is-Sibt mid-9.00am sal-12.15pm
Posted in Uncategorized | Leave a Comment »
Għall-okkażjoni tal-50 sena mill-mewt ta’ P. Anastasju Cuschieri, MaltaPost p.l.c. tinforma li timbru speċjali se jintuża nhar l-Erbgħa 25 ta’ Lulju fil-Bureau Filateliku tal-MaltaPost.
Dan it-timbru speċjali jista’ jkun ordnat mill-Bureau Filateliku, MaltaPost p.l.c. 305, Triq Ħal Qormi, l- Marsa, MTP 1001, jew online fuq http://www.maltaphilately.com , Telephone 2596 1740 – u e-mail: info@maltaphilately.com
Se jigi pubblikat ukoll personalised cover, numerat flimkien ma’ edizzjoni limitat ta’ bolol “mint” biex jitfakkar dan l-anniversarju. Ordnijiet isiru permezz tal-email fuq carmeliteinstitute@gmail.com jew bil-posta f’dan l-indirizz: Kummissjoni P. Anastasju Cushieri, O.Carm., Kunvent tal-Karmnu, Triq it-Torri tas-Sliema. SLM 1600.
Posted in Uncategorized | Leave a Comment »
Il-Carmelite Institute Malta għadu kemm ippubblika l-istudju ta’ P. Charlo’ Camilleri, O.Carm u s-Sur Toni Cortis dwar il-Prof. P. Anastasju Cuschieri, O.Carm. Dan l-istudju huwa l-frott ta’ riċerka dwar il-persuna tal-Professur Cuschieri, il-ħajja tiegħu, l-ideali li ħaddan u l-poeżija li kiteb. F’din ir-riċerka hemm sejbiet ġodda li jitfgħu iktar dawl dwar il-personalita` paradossali tal-Professur Cuschieri kif ukoll fuq elementi kontroversjali li ssawru madwaru. L-istudju fih ukoll xi poeżiji li nstabu dan l-aħħar u li aktarx jistgħu jiġu attribwiti lil Cuschieri. L-għan ta’ din il-pubblikazzjoni huwa li toħloq interess u diskussjoni mill-ġdid dwar Cuschieri waqt li tagħti linji għal studju iktar approfondit dwaru.
Dan l-istudju, se jiġi ppreżentat bħala taħdita fil-Lejla Mużiko-Letterarja li se ssir nhar it-22 ta’ Ġunju 2012.
Min jixtieq kopja ta’ dan l-istudju jibgħat email fuq: carmeliteinstitute@gmail.com
Posted in Uncategorized | Leave a Comment »
Nixtiequ ngharrfukom li l-Lejla Letterarja f’gieh P.Anastasju Cuschieri, O.Carm. li kienet mahsuba ghall-ta’ Gunju 2012, giet imcaqalqa ghat-22 ta Gunju 2012.
Posted in Uncategorized | Leave a Comment »
Indiema
Fil-għabex ta’ fil-għodu
għorok min-ngħas għajnejja,
u dlonk tħassibt kemm drabi
jien rgħextek, ja Mulejja.
Ħarġet mill-qalb sogħbiena
għadira dmugħ madwari;
u mill-għammieq għajjatlek:
Għamilni bħal ma dari.
Fi triq ix-xewk kont miexi
u ħsibtni ġo wardija;
ħarist u rajt l-egħdewwa
fuq siġra jidħku bija;
u dlonk il-qalb imweġġgħa
sabbtitni fl-art minn tuli:
Int ġrejt teħles saqajja
mix-xibka li xeħtuli.
Meta xejn jien ħlief Lilek,
Mulej, ma kont nixtieq,
dawl wiċċek kull fejn nimxi
quddiem juri t-triq.
Posted in Poeżiji | Leave a Comment »
Prof. P. Anastasio Cuschieri, O.Carm.
DISCORSO
Dal 22 al 27 Aprile 1913
Che cosa è la Messa?
E il Cristo che soffre: l’agonia dell’Orto che si reproduce, l’oltraggio del Pretorio che si rinnova, le scene del Calvario che si perpetuano; è la parola di Gesù che invoca sulla umanità l’effusione del perdono, il sangue di Cristo che purifica dalle contaminazioni della colpa nefanda la stirpe nostra, l’Agnello di Dio che immolato prima nel pensiero, nella speranza dei credenti in Colui che doveva venire, immolato poi storicamente sulla cima del Calvario doloroso, rimane in mezzo a noi, è rimarrà, vittima e sacerdote, fin chè il sole risplenderà sulle sciagure umane.
La Messa è Cristo.
E Cristo vogliamo noi contemplarlo nel momento in cui si realizza nella sua pienezza la ragione e il carattere del suo essere? Guardiamolo sulla croce, non lo contempliamo nella Grotta dove nacque. Dio non s’incarna che per immolarsi: Bethlem si riannoda al Calvario così come il mezzo si riannoda al fine.
Posted in Filosofija | Leave a Comment »
NINU CREMONA
“Kien fil-bidu tas-sena 1912 meta Dun Karm, imħajjar mid-dekan tal-kittieba tal-Malti, kien beda jdewwaqna l-ħlewwa ta’ versi klassiċi Maltin f’Il-Ħabib. Warajh kienu għaddew bilkemm tliet snin meta fl-istess ġurnal bdew jidhru versi Maltin mhux inqas mirqumin u sbieħ, li taħthom kien hemm dawn it-tliet stilel li dlonk kulħadd sar jaf li kienu jfissru l-isem moħbi ta’ Patri Anastasju Cuschieri.[1] Dawk it-tliet stilel li ’l hawn u ’l hinn bdew jidhru f’Il-Ħabib dehru bħal ħaġa tleqq bid-dija qawwija tagħhom fis-sema ta’ dak l-istar sabiħ tal-muża Maltija li biha beda jiżżejjen għall-ewwel darba lsienna. L-għajn ta’ kull qarrej malli jiftaħ Il-Ħabib ma kenitx tfittex ħlief il-versi li taħthom kont tarar dawk it-tliet stilel. F’dawk il-versi kien hemm ċerta ħlewwa sempliċi ta’ ħsieb u ritmu ġodda li kienu jisirqu l-qalb, versi li ma kenux jagħmlu għajb lil dawk li konna bdejna nduqu mill-pinna ta’ Dun Karm… maż-żmien il-poeżiji ta’ Cuschieri… qajmu għagħa ta’ ħeġġa kbira fost il-kittieba tal-Malti li għal xi ftit kienu nsew il-versi ta’ kull poeta ieħor. Il-versi bil-Malti ta’ Cuschieri dlonk dehru bħala l-isbaħ mudelli ta’ poeżiji letterarji fil-kotba tal-Qari għat-tfal tal-Iskejjel Sekondarji u għall-istudenti ta’ l-Università ma’ poeżiji oħra”
[1] P. Anastasju beda jikteb il-poeżija bil-Malti fl-1909, tliet snin qabel Dun Karm. L-ewwel poeżija tiegħu iġġib l-isem ta’ Fil-Festa tal-Madonna tal-Karmnu.
Posted in Uncategorized | Leave a Comment »
Ilsien Pajjiżi
Fost l-ilsna kollha, ja lsien pajjiżi,
isbaħ u bħalek jien ma narax;
ruħi mingħajrek bħal fomm imbikkem
li jrid jitkellem u ma jistax.
Għani f’faqartek, kbir fi ċkunitek,
taqbel ma’ qalbi, taqbel mal-ħsieb;
bik fuq xufftejja il-mewt għad nara
tad-dinja l-oħra tiftaħli l-bieb,
Int li tfakkarni fi żmien tfuliti
mita ma’ sħabi kont jien immur
naqbez niġġerra, nilgħab u ninbex,
jew għal xi bejta nitla’ ma’ sur;
Int li tfakkarni kemm Malta kienet
dari msemmija ma’ kullimkien,
sakemm marbuta baqgħet ma’ ġmielek,
sakemm ħassruha in-nies u ż-żmien.
Fik jiġri ħsiebi jekk xbejba tagħżaq
b’xi libsa mqattgħa tperper mar-riħ
nara u mid-daqqa li tat l-imgħażqa
nikxef il-qawwa ta’ dak id-driegħ.
Fik jiġri ħsiebi jekk f’xatt il-baħar
mixħut fuq blata nilmaħ daqqiet
bħal qrun tal-fidda għaddej il-qamar
jiddi u jitkellem mas-sħab u s-skiet.
Leħnek jien nisma’ jekk rasu mmejla
fuq tarf ta’ fergħa jgħanni tal-bejt,
iktar jekk jidwi, jingħi f’widnejja
il-biki, Malta, li dejjem bkejt.
Fost l-ilsna kollha, ja lsieni pajjiżi,
isbaħ u bħalek jien ma narax;
ruħi mingħajrek bħal fomm imbikkem
li jrid jitkellem u ma jistax.
Għalik jien Malti, u bajda u ħamra
dik il-bandiera u nsellem jien;
int nisel tajtni kbir u qalbieni,
ħsieb u qalb lilek nagħti flimkien.
Posted in Poeżiji | Leave a Comment »